阿公阿媽的青春年代

出門旅行、peh 山、看電影、耍樂團攏是古早就有ê活動，

雖罔聽起來 kah tsit 陣 ê 娛樂相仝，m̄-koh 過去有真無仝 ê 耍法。

Tsit 馬是騎車環島，日治時代 ê 腳踏車隊是透早 uì 台北車頭出發，

騎去圓山歇睏，踅去北投食茶，才閣去淡水食飯、看戲。

Tsit 馬出國旅行是渡假歇睏，tī罕得出國 ê 年代，

若出去，tio̍h 十外个國家行透透，才會到 khuì。

Tsit 馬踅百貨公司是去買物件，台灣第一間百貨公司開幕ê時，

人客上捀場 ê，m̄ 是內底展覽 ê 商品，是電梯。

厝內序大少年ê時，lóng 去佗位𨑨迌？In 有啥物消遣娛樂?

遮ê活動是按怎tī台灣開始發展？

Tsit本冊 ê 寫作是用教育部建議用字 kap 台羅。