台語冊內的地景

一部小說內底 m̄-nā 有人物，有 ê 猶有地理空間，景色，地方歷史 ê 描寫。遮 ê 內容 m̄-nā 予讀者了解故事 ê 背景，山勢地形，在地 ê 人文光景，有 koh 較濟是表達作者對彼个所在 ê 感情。

台語小說有袂少作品是用社會寫實  ê手路 kā 讀者講在地 ê、無論是過去iah是現在 ê，人物 kah 地理空間。《台語冊內的地景》tsit 个計劃介紹六本台語文學經典ê 文化地景 kah 地理空間，tshuā 逐家熟似 hia-ê所在，介紹一寡當地 ê 歷史文化kap故事。