看見台文女作家

這是一个研究計畫，主要整理 kah 記錄女性台文創作者 ê 作品，也分析台語女性書寫ê特色。Uì 2007-2021年出版 ，女性作者寫 ê 152篇台語小說，來看女性寫台文 ê 發展經過kah台語女性小說ê特色。作一个台語女性小說 ê 初期研究，主要uì 三的面上來探討女性小說發展 ê 脈絡kah大約 ê 面貌：一、女性台語書寫ê歷史背景kap發展階站；二、台語文學場域ê變化kah女性用台語寫作ê原因；三、台語女性寫作主題ê延續kah轉變。

解嚴了後才起鼓 ê 台語女性小說創作 ê 短短歷史，ē使看著台灣，華語文學以外 ê 另外一个文學場域 ê 發展，kah遮 ê 作品呈現 ê 另外一个台灣。台語文作一个語言有家己 ê 脈絡，tī這段時間，是甚至作者kah讀者kah華語界lóng無啥重疊，台文書寫hōo另外一个社群揣著發聲kap創作 ê 空間。遮ê台語女性小說ē使hōo咱看著相仝tī這个島嶼，相交插suah無相仝 ê 生活世界，mā 為台灣文學增加多語創作 ê 可能kah書寫 ê多樣性。

為著beh描寫kah分析台語女性小說 ê 發展，報告內面分做四个時期：發芽期（解嚴至2000年）、開發期（2001-2006）、發展期（2007-2016）、多元期（2017至今），uì 遮無仝 ê 階段ē發見政治kah社會變化按怎影響著女性台語作品 ê 出現kah變化。

這份書面報告是用華語寫 ê，對內容有興趣 ê 人，ē 使寫批來 hōo 我：henama2020@gmail.com。